Мустақиллигимизнинг 30 йиллиги байрамига тайёргарлик кўриш, байрамни тинч ва осойишта нишонланишини таъминлаш мақсадида, жорий йилнинг 1 август кунидан бошлаб "Хавфсиз ҳудуд" махсус профилактик тадбири ўтказиб келинмоқда. Шаҳар - туман ИИБ ходимлари ҳамда бошқа ҳуқуқни муҳофаза қилувчи идоралари ходимлари ҳамда жамоатчилик вакиллари иштирокида олиб борилган тадбир давомида 148935 та объектлар текшириб чиқилди, 20105 та хонадонларда яшовчи фуқаролар паспорт-виза текширувидан ўтказилди. Вилоят ҳудудида фаолият олиб бораётган барча корхона-ташкилотлар, савдо расталари, кафе-барлар, меҳмонхона ва ётоқхоналар паспорт-виза текшируви асосида ўрганилиб, ишчи ва хизматчилари ўртасида профилактик ишлар олиб борилди. Тадбир давомида 911 та доимий рўйхатсиз яшаб келаётган фуқаролар, 16 та фоҳишалик билан шуғулланиб юрган шахслар, 198 та маъмурий назорат қоидасини бузган шахслар аниқланиб, Ўзбекистон Республикаси МЖтКнинг тегишли моддалари билан жавобгарликка тортилди. 107 та назоратсиз ва қаровсиз қолган вояга етмаганлар аниқланиб ВЕИҲЁКМга жойлаштирилди. 9 та жиноят содир этиб, тергов ва суддан яшириниб юрган шахслар қўлга олинган, 1 та бедарак йўқолган шахс аниқланган. Жами 57 та содир этилган жиноятлар иссиқ изидан фош этилди, 164 грамм гиёҳванд моддалари аниқланиб, олинган. Профилактик махсус тадбир давом этмоқда.