Ўзбекистон Республикаси Вазирлар Маҳкамасининг 2022 йил 7 июль кунидаги 310-сонли Қарори билан тасдиқланган “2022-2023 йилларда Ўзбекистон Республикасида ёшларга оид давлат сиёсатини амалга ошириш дастури”нинг 16-бандига асосан жорий йилнинг сентяб-октябрь ойларида Ўзбекистон Ёшлар Иттифоқининг навбатдаги Қурултойини ўтказиш белгиланган.

Ушбу дастур ижросини таъминлаш мақсадида Ўзбекистон Ёшлар Иттифоқи Марказий Кенгаши ҳамда Ўзбекистон Республикаси Қуролли Кучлари куч тузилмаларининг 2017 йил 28 декабрдаги ҚҚ-128-сонли Ўзбекистон Ёшлар Иттифоқининг Мудофаа, Фавқулодда вазиятлар вазирлиги, Миллий гвардия, Давлат хавфсизлик хизмати Чегара қўшинлари, Ички ишлар вазирлиги ҳарбий қисм, бўлинма, муассасалари ва Давлат Божхона Қўмитаси тизимида бошланғич ташкилотлар фаолиятини ташкил этиш тўғрисидаги қўшма қарорига мувофиқ Қуролли кучлар куч тузилмалари бошланғич ташкилотларида Ҳисобот-сайлов йиғилишларини юқори савияда ўтказиш ва бошланғич ташкилот ёшлар етакчисини қайта сайлаш ҳамда делегатларни сайлаш мақсадида жорий йилнинг 29 август куни вилояти Ёшлар Маркази биносида тузилма етакчилари билан ўтказилган суҳбат жараёнида Ўзбекистон ёшлар иттифоқи Марказий кенгаши ҳарбий бўлим мутахассиси Тажимуратова Наргиза, Ўзбекистон ёшлар иттифоқи Сирдарё вилояти кенгаши раиси Рахмонов Азиз Козимжон ўғли ва Ўзбекистон ёшлар иттифоқи Сирдарё вилояти кенгаши ҳарбий бўлим мутахассиси майор Ирисбоев Элдор Ҳасановичлар раҳбарлигида Сирдарё вилояти ИИО тизимларидаги Ўзбекистон Ёшлар Иттифоқи бошланғич ташкилот етакчилари иштирок этишди.

Бўлиб ўтган суҳбат жараёнида ёшлар билан амалга оширилган ишлар сарҳисоб қилинди ва амалдаги етакчиларнинг иш фаолияти ва билим салоҳиятига баҳо берилиб ҳар бири эгаллаб турган лавозимига муносиб эканлиги, бежизга ёшлар ишонч билдириб уларни сайлашмаганлигига ишонч ҳосил қилишиб иш фаолиятларига ижобий баҳо бериб, кейинги фаолиятлари мобайнида амалга оширишлари лозим бўлган тизимлар белгилаб берилди.

Сирдарё вилояти ИИБ Маънавий-маърифий ишлар ва кадрлар билан таъминлаш хизмати.