Сирдарё вилояти ИИБ бошлиғи полковник Бўронов Шуҳрат Ҳусанович Гулистон шаҳар ёшлари билан учрашув ўтказди.
2021 йил 24 декабрь куни Сирдарё вилояти 3-сектор раҳбари полковник Ш.Ҳ.Бўронов Гулистон шаҳар ҳудудида оммавий сайёр қабул ва “Ёшлар учрашуви” ўтказилди. Ёшлар билан учрашув давомида ёшларнинг фаолиятида учраётган тўсиқлар, муаммолари ҳамда таклифлари, фикр мулоҳазаларини ўрганиш бўйича очиқ мулоқот тарзида қабул ўтказилди. Бундан ташқари ёшлар томонидан ўз фаолиятини шакллантириш давридаги фикр-мулоҳазалари, таклифлари тингланди. Очиқ мулоқот давомида ёшлар томонидан иш билан таъминлаш, имтиёзли кредитларни олишдаги муаммолар, субсидия асосида уй олиш, ўз мутахассислиги бўйича ишга кириш ва ижтимоий моддий таъминлаш борасида мурожаатлар келиб тушди.
Қабул давомида иштирок этган 30 дан ортиқ ёшлардан 19 та мурожаатлар келиб тушди. Ушбу мурожаатларнинг 2 таси шу ернинг ўзида қаноатлантирилган бўлса, 4 тасига ҳуқуқий тушунтириш бериш орқали, қолган 13 та мурожаатлар сектор раҳбари томонидан қисқа муддатли назоратга олиниб, тегишли мутасадди ташкилот раҳбарларга ижобий ҳал қилиш бўйича топшириқлар берилди.
Сирдарё вилояти ИИБ Ахборот хизмати
