13 Феврал 2022 йил
449
Сирдарё вилояти ИИБнинг ташаббуси билан вилоятдаги 2007-2008 йилларда туғилган ўсмирлар ўртасида спортнинг “еркин кураш” тури бўйича вилоят биринчилиги мусобақаси ўтказилди.
Жорий йилнинг 12 февраль куни “Динамо” жисмоний тарбия-спорт жамияти спорт мажмуасида Сирдарё вилоятидаги 2007-2008 йилларда туғилган ўсмирлар ўртасида спортнинг “еркин кураш” тури бўйича вилоят биринчилиги мусобақаси ўтказилди.
Ўтказилган мусобақада жами 14 та терма жамоалардан 110 нафардан ортиқ спортчи ёшлар 38 кг, 41 кг, 44 кг, 48 кг, 52 кг, 57 кг, 68 кг, 75 ҳамда 85 кг вазн тоифалари бўйича ғолиблик учун бахс олиб боришди.
Мусобақанинг якуний натижаларига кўра умумжамоа ҳисобида фахрли 1 ўрин Гулистон олимпия захиралари коллежи терма жамоасига насиб этди. Мусобақа сўнгида ғолиб ва совринли ўринларни қўлга киритган иштирокчилар диплом, медаль, ҳамда қимматбаҳо эсдалик совғалари билан тақдирландилар.
