13 Fevral 2022 yil
450
Sirdaryo viloyati IIBning tashabbusi bilan viloyatdagi 2007-2008 yillarda tug‘ilgan o‘smirlar o‘rtasida sportning “erkin kurash” turi bo‘yicha viloyat birinchiligi musobaqasi o‘tkazildi.
Joriy yilning 12 fevral kuni “Dinamo” jismoniy tarbiya-sport jamiyati sport majmuasida Sirdaryo viloyatidagi 2007-2008 yillarda tug‘ilgan o‘smirlar o‘rtasida sportning “erkin kurash” turi bo‘yicha viloyat birinchiligi musobaqasi o‘tkazildi.
O‘tkazilgan musobaqada jami 14 ta terma jamoalardan 110 nafardan ortiq sportchi yoshlar 38 kg, 41 kg, 44 kg, 48 kg, 52 kg, 57 kg, 68 kg, 75 hamda 85 kg vazn toifalari bo‘yicha g‘oliblik uchun baxs olib borishdi.
Musobaqaning yakuniy natijalariga ko‘ra umumjamoa hisobida faxrli 1-o‘rin Guliston olimpiya zaxiralari kolleji terma jamoasiga nasib etdi. Musobaqa so‘ngida g‘olib va sovrinli o‘rinlarni qo‘lga kiritgan ishtirokchilar diplom, medal, hamda qimmatbaho esdalik sovg‘alari bilan taqdirlandilar.
