"Мен ғолиб" шиори остида 10 км масофага югуриш мусобақаси бўлиб ўтди.
Ўзбекистон Республикаси Президентининг "Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида" 2020 йил 30 октябрдаги ПФ-6099-сон фармони ижросини таъминлаш мақсадида, шунингдек, "9 май - Хотира ва қадрлаш куни" муносабати билан 2024 йилнинг 12 май куни Ўзбекистон Республикаси Қуролли Кучлари ва ҳуқуқни муҳофаза қилиш органлари ўртасида спортнинг енгил атлетика тури бўйича "Мен ғолиб" шиори остида 10 км масофага югуриш мусобақаси бўлиб ўтди.
Ушбу югуриш мусобақасида Сирдарё вилояти ИИБ ходимлари подполковник Музаффар Хакимов ҳамда сержант Обиджон Арслоновлар ИИВ терма жамоаси номидан қатнашиб жамоавий ҳисобда фахрли 3-ўринди қўлга киритишган бўлса, яккалик баҳсларда Сирдарё вилояти ИИБ ходими подполковник Музаффар Хакимов фахрли 2-ўринди қўлга киритишдилар.
Ғолиблар диплом ва қимматбаҳо совринлар билан тақдирланди.
Сирдарё вилояти ИИБ раҳбарияти ҳамда жамоаси номидан фахрли ўринларни эгаллашда ўз ҳиссаларини қўшган барча ходимларни ғалаба билан табриклаб, ўз миннатдорчилигимизни билдирамиз!
