"Men g‘olib" shiori ostida 10 km masofaga yugurish musobaqasi bo‘lib o‘tdi.
O‘zbekiston Respublikasi Prezidentining "Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida" 2020 yil 30 oktyabrdagi PF-6099-son farmoni ijrosini taʼminlash maqsadida, shuningdek, "9 may - Xotira va qadrlash kuni" munosabati bilan 2024 yilning 12 may kuni O‘zbekiston Respublikasi Qurolli Kuchlari va huquqni muhofaza qilish organlari o‘rtasida sportning yengil atletika turi bo‘yicha "Men g‘olib" shiori ostida 10 km masofaga yugurish musobaqasi bo‘lib o‘tdi.
Ushbu yugurish musobaqasida Sirdaryo viloyati IIB xodimlari podpolkovnik Muzaffar Xakimov hamda serjant Obidjon Arslonovlar IIV terma jamoasi nomidan qatnashib jamoaviy hisobda faxrli 3-o‘rindi qo‘lga kiritishgan bo‘lsa, yakkalik bahslarda Sirdaryo viloyati IIB xodimi podpolkovnik Muzaffar Xakimov faxrli 2-o‘rindi qo‘lga kiritishdilar.
G‘oliblar diplom va qimmatbaho sovrinlar bilan taqdirlandi.
Sirdaryo viloyati IIB rahbariyati hamda jamoasi nomidan faxrli o‘rinlarni egallashda o‘z hissalarini qo‘shgan barcha xodimlarni g‘alaba bilan tabriklab, o‘z minnatdorchiligimizni bildiramiz!
