Янгиерда спортнинг минифутбол тури бўйича Сирдарё вилояти ИИБ бошлиғи кубоги ўтказилди
Муҳтарам юртбошимиз томонидан жорий йилнинг 19 январь куни "Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида"ги ПҚ-92 сонли қарори ижросини таъминлаш мақсадида Сирдарё вилояти ИИБ бошлиғининг кубоги учун вилоят 2-секторига қарашли Янгиер шаҳар, Сайхунобод, Боёвут туманларидаги маҳаллаларнинг ғолиб жамоалари 2-сектор туманлари ўртасида 3-босқич минифутбол спорт мусобақаси ўтказилмоқда.
Янгиер шаҳрида бўлиб ўтаётган мусобақада Боёвут туманининг С.Айний, Сайхунобод туманининг Бахмалсой ҳамда Янгиер шаҳрининг Давлатобод маҳаллаларининг уюшмаган ёшларидан ташкил этилган жамоалар иштирок этишди. Мусобақа аёвсиз зарбалар ва муросасиз бахслари билан ҳаяжонли лаҳзаларга бой бўлди.
Мусобақа якунида Боёвут туманининг С.Айний маҳалласи ёшлари 3-ўринни, Янгиер шаҳрининг Давлатобод маҳалласи ёшлари фахрли 2-ўринни ҳамда Сайхунобод туманининг Бахмалсой маҳалласи ёшлари 1-ўринни эгаллади ва мусобақанинг вилоят босқичи йўлланмасини қўлга киритишди. Ташкилотчлар томонидан ғолиб ва иштирокчи жамоалар эсдалик совғалари билан тақдирландилар.
