1 октябрь – «Ўқитувчи ва мураббийлар куни» байрами муносабати билан тергов фахрийлари ҳолидан хабар олинди
Сирдарё вилояти ИИБ бошқармаси раҳбарияти томонидан тергов хизматида узоқ йиллар фаолият кўрсатиб, ҳозирда нафақалик гаштини сураётган бир қатор фахрийларнинг яшаш уйларига борилиб, уларнинг ҳолидан хабар олинди.
Хусусан, истеъфодаги полковник Игамбердиев Мурод Ғуломович, истеъфодаги подполковник Бобомуродов Бахтиёр Хамидович ва истеъфодаги майор Бердақов Фарҳодлар шулар жумласидандир.
Тергов фахрийлари 1 октябрь – «Ўқитувчи ва мураббийлар куни» байрами билан табрикланиб, уларга Ўзбекистон Республикаси ИИВ ҳузуридаги тергов департаменти ва Сирдарё вилояти ИИБ ҳузуридаги тергов раҳбарияти ҳамда ходимларининг самимий тилаклари етказилди.
Фахрийлар ҳам уларга кўрсатилган эътибор ва эҳтиром учун Ички ишлар вазирлиги ва бошқарма раҳбарияти ҳамда ходимларига ўзларини миннатдорчилигини билдирди.
