Sirdaryoda huquqbuzarliklar profilaktikasi boʻyicha yigʻilish oʻtkazildi
Joriy yilning 14-avgust kuni “Payshanba — huquqbuzarliklar profilaktikasi kuni” doirasida Sirdaryo viloyati prokurori va Sirdaryo viloyati Ichki ishlar boshqarmasi boshligʻi rahbarligida, tegishli masʼul tashkilotlar ishtirokida yigʻilish boʻlib oʻtdi.
Tadbirda Oʻzbekiston Respublikasi Prezidentining 2025-yil 3-yanvardagi PQ 1-sonli qarorida belgilangan vazifalar ijrosi, viloyatda amalga oshirilgan ishlar va kelgusidagi ustuvor yoʻnalishlar muhokama qilindi. Shuningdek, 2025-yil 1-avgustdan 7-avgustga qadar hududda sodir etilgan jinoyatlar tahlil qilinib, kelgusida jinoyat va huquqbuzarliklarni oldini olish boʻyicha amalga oshirilishi lozim boʻlgan chora-tadbirlar belgilandi.
Yigʻilish davomida viloyat prokurori va viloyat Ichki ishlar boshqarmasi boshligʻi tomonidan kun tartibidagi masalalar yuzasidan masʼul rahbarlarga aniq koʻrsatma va topshiriqlar berildi.
Sirdaryo viloyati IIB Axborot xizmati
