23 August 2020 year 161

Viloyati IIB boshligʻi polkovnik Shavkat Mavlyanov Xovos tumani “Oqchangal” mahallasida sayyor qabul oʻtkazdi.

Oʻzbekiston Respublikasi Prezidentining 2019-yil 08-yanvar kunidagi “Hududlarni kompleks ijtimoiy-iqtisodiy rivojlantirish boʻyicha sektorlar faoliyatini yana-da takomillashtirishga doir qoʻshimcha chora-tadbirlar toʻgʻrisida”gi qarori asosida barcha sektor rahbarlari aholining ijtimoiy iqtisodiy ahvolini oʻrganish maqsadida sayyor qabullar oʻtkazishi koʻrsatilgan. Mazkur qarorni ijrosini taʼminlash maqsadida Xovos tumani “Oqchangal” mahallasida viloyati 3-sektor rahbari tomonidan fuqarolar bilan sayyor qabul oʻtkazildi. Dastlab, Boshqarma boshligʻi “Oqchangal” mahallasidagi ehtiyojmand oilalar holidan xabar olib, ularning muammolarini uyma-uy yurib oʻrganildi. Boshqarma boshligʻi tomonidan fuqarolarni murojaatlari birma-bir tinglandi. Murojaatlarning mazmuniga eʼtibor qaratadigan boʻlsak, asosan mahallada ish bilan taʼminlash, tibbiy xizmatni yaxshilash, nafaqa olish, mahalla koʻchalariga tosh-shagʻal yotqizish masalalarida muammolar bilan murojaat qilindi. Qabul jarayonida muammolarning barchasi bartaraf etilib, ushbu xonadon egalarini moddiy-maʼnaviy qoʻllab-quvvatlash maqsadida Xovos tumani 3-sektor rahbari tomonidan 20 bosh qoʻylar tarqatildi. Bunday muloqotlar viloyatimizning barcha hududlarida davom etmoqda.

Sirdaryo viloyati IIB Axborot xizmati

Click on the button below to listen to the text Powered by GSpeech