Сирдарёда масофавий таълим курсларига старт берилди.
Ўзбекистон Республикаси ИИВнинг 2020 йил 22 июль кунидаги “Ички ишлар органларининг профилактика инспектори лавозимларига тўғридан-тўғри танлов асосида қабул қилинган ходимларни махсус касбий тайёрлаш тўғрисида”ги 119-сонли фармойиши ҳамда Сирдарё вилояти ИИБнинг 2020 йил 07 август кунидаги буйруқлари ижросини таъминлаш мақсадида Сирдарё вилояти ИИБнинг масофавий таълим курсларига ўқишга жалб этилган 42 нафар ходимлари жорий йилнинг 19 август куни ИИВ Малака ошириш институти Сирдарё вилояти филиалига карантин қоидаларига риоя қилинган ҳолда жамланди.
Ўқув курсларига жалб этилган ходимлар билан вилоят ички ишлар бошқармаси буйруғи билан тасдиқланган жадвал асосида вилояти ИИБ Кадрлар бошқармаси ҳамда Ҳуқуқбузарликлар профилактикаси бошқармаси масъул ходимлари билан ҳамкорликда саф тайёргарлиги бўйича амалий машғулотлар ўтказилди.
Сирдарё вилояти ИИБ Ахборот хизмати
