Сирдарё вилояти Ички ишлар бошқармаси Миграция ва фуқароликни расмийлаштириш бошқармаси ҳабар беради.

Ҳурматли ватандошлар!

Сўнгги йилларда аҳолига давлат хизматларини кўрсатиш тизими ислоҳ қилиниб, ишбилармонлик муҳитини тубдан яхшилаш, ортиқча бюрократик тўсиқларни бартараф этиш борасида изчил чора-тадбирлар амалга оширилмоқда.
Жумладан, айрим турдаги лицензия ва рухсатномалар бекор қилинди, маъмурий тартиб-таомиллардан ўтиш муддатлари сезиларли равишда қисқартирилди, фуқароларнинг ўзини ўзи бошқариш органлари томонидан бериладиган бир қатор маълумотномалар бекор қилинди.
Шу билан бирга, Ўзбекистон Республикаси Президентининг 2021 йил 23 мартдаги “Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида”ги ПФ-6191-сонли Фармонига асосан фуқароларимизга бир қанча қулай шарт-шароитлар яратилди, шунингдек, ушбу Фармоннинг 1-бандига мувофиқ Миграция ва фуқароликни расмийлаштириш соҳасида ҳам фуқароларимизни ортиқча сансолорликларга йўл қўйилмасликлари мақсадида 2021 йил 1 июндан бошлаб фуқароларнинг доимий (вақтинча) рўйхатдан ўтган жойидан қатъий назар хорижга чиқиш биометрик паспортини расмийлаштириш экстерриториал тамойил асосида амалга оширилиши тадбиқ этилди.
Ҳурматли ҳамюртлар, Сизда хорижга чиқиш биометрик паспортини олиш истагингиз бўлган тақдирда доимий ёки вақтинча рўйхатда турган жойингиздан қатъий назар, турган жойингизга яқин ҳудуддаги барча шаҳар ва туман Миграция ва фуқароликни расмийлаштириш хизматларига жорий йилнинг 1 июнь кунидан бошлаб мурожаат қилишларингиз мумкинлигини маълум қиламиз!

Сирдарё вилояти Ички ишлар бошқармаси Миграция ва фуқароликни расмийлаштириш бошқармаси