Ўзбекистон Республикаси Ички ишлар вазири ўринбосари, генерал-майор А.И.Икрамов ҳузурида 2022 йил 7 сентябрда ўтказилган видеоселектор йиғилишининг 108-сонли баёни 12.1-банди ижросини таъминлаш ҳамда Ички ишлар вазирлигининг идоравий академик лицейлари ўқувчиларида Ички ишлар органлари хизматига қизиқишини яна-да ошириш ҳамда уларда ватанпарварлик туйғусини мустаҳкамлаш мақсадида ҳудудий Ички ишлар органлари раҳбарлари, туман (шаҳар) ИИБ бошлиқлари томонидан “очиқ мулоқот” шаклида маҳорат дарслари ўтказилмоқда.

Жумладан, жорий йилнинг 30 январ куни Сирдарё тумани Ички ишлар бошқармаси бошлиғи подполковник Саибов Жасур Яшин ўғли ИИВ Сирдарё академик лицейи ўқувчилари билан “Ички ишлар органларини халқчил профессионал тузилмага айлантириш янги босқичда” мавзусида машғулот ўтказди.

Очиқ мулоқот шаклида бўлиб ўтган маҳорат дарсида подполковник Ж.Я.Саибов дастлаб давлатимиз раҳбари томонидан бугунги кунда Ички ишлар органларига яратиб берилаётган имкониятлар ҳақида тўхталиб ўтди. Шунингдек, бугунги кунда Ички ишлар органларида амалга оширилаётган кенг кўламли ислоҳотларнинг моҳияти ҳақида сўзлаб бериб, ўзининг Ички ишлар органларидаги фаолияти ва эсда қоларли воқеалар тўғрисида тўхталиб ўтди.

Подполковник Ж.Я.Саибов ёшларга, Ички ишлар органлари учун ватанпарвар, юксак маънавиятли, руҳан тетик, жисмоний соғлом номзодларни тайёрлаш давр талаби эканлигини, келгусида шу соҳада фаолият кўрсатадиган ёшларни мана шундай фазилатларга эга бўлишлари зарурлигини таъкидлади.