ИИВ Сирдарё Академик лицейида ўқувчилар учун адаптив психологик тренинг машғулотлари ўтказилди
Ўзбекистон Республикаси ИИВ Сирдарё Академик лицейи ўқувчилари учун «Инсон умри» номли психологик тренинг ташкил этилди. Психологик тренингга Ўзбекистон Халқаро Ислом Академияси магистранти психолог Абдулҳаев Абдулҳақ ташриф буюрди.Ташкил этилган семинар-тренингдан мақсад 1-курс ўқувчиларининг жараёнларга мослашуви, руҳий онгини янада яхшилаш, жамиятда ўз ўрнини топишда касбга йўналтириш кўзда тутилган. Семинар-тренинг давомида психолог ўқувчилар билан турли-хил мотивацион ўйинлар, инсон руҳини кўтарадиган савол-жавоблар ўтказди. «Инсон умри давомида қилаётган амаллари ва олдига қўйган мақсадлари бир-бири билан чамбарчас боғлиқ. Шундай экан бир кунингиз давомида бажарилган ҳар бир ишингиз аниқ мақсадингизга йўналтирилган бўлсин “ — дейди: Ўзбекистон Халқаро Ислом Академияси магистранти Абдулҳаев Абдулҳақ.
Семинар-тренинг ўқувчиларда катта таъсирот қолдирди ва ташриф буюрган психологга ўз миннатдорчилигини билдиришди.
