9 Май 2020 йил
509
Гулистон тумани ИИБ томонидан хизмат вақтида ногирон бўлиб қолган Ички ишлар органлари собиқ ходимлари ҳолидан ҳабар олинди.
Меҳр-мурувват, саховат, бағрикенглик халқимизнинг қон-қонига сингиб кетган тушунчалардир. 9 май - Хотира ва қадрлаш куни муносабати билан Гулистон тумани ИИБ бошлиғининг ташаббуси билан узоқ йиллар ички ишлар органларида хизмат қилиб хозирда нафақадаги собиқ ходимлар, хизмат вақтида вафот этганларнинг яқин қариндошлари ҳолидан хабар олинди.
Инсон хотира билан тирик, қадр билан улуғ. Ўтганларни, уларнинг хайрли ишларини, жасоратини ёдга олмоқ, эъзозламоқ халқимизга хос эзгу фазилатлардандир. Гулистон тумани ИИБ раҳбарияти томонидан шундай инсонлардан бири Гулистон тумани А.Яссавий маҳалласи 66-уй 16-хонадонда истиқомат қилувчи фуқаро Назаралиева Бувсара Бектемировнанинг хонадонларига ташриф буюришдилар. Унинг турмуш ўртоғи Гулистон тумани ИИБ статистика гуруҳи собиқ кичик инспектори милиция старшинаси Назаралиев Абдулла Хайдаралиевич 2000 йилнинг январь ойида хизмат вақтида автофалокатга учраб вафот этган. Марҳум ходимнинг оиласи ҳолидан хабар олиниб, уларга озиқ-овқат маҳсулотлари берилди.
Шунингдек, Гулистон тумани Фурқат маҳалласи Бахт кўчаси 27-уйда истиқомат қилувчи ички ишлар органлари собиқ ходими Бойжигитов Тожиқул ҳозирги кунда соғлиги ёмонлашиб, кўзи кўрмай қолганлиги боис, ушбу собиқ ходимнинг ҳолидан ҳам хабар олиниб, унга ҳам озиқ-овқат махсулотлари берилди.
Бундан ташқари, Гулистон тумани А.Яссавий маҳалласи Темирқадам кўчаси 58-уйда истиқомат қилувчи ички ишлар органлари собиқ ходими Ашуров Шокир ҳозирги кунда соғлиги ёмонлашиб, юраолмай қолганлиги боис, ушбу собиқ ходимнинг ҳам ҳолидан хабар олиниб, унга ҳам озиқ-овқат махсулотлари берилди.
Сирдарё вилояти ИИБ Ахборот хизмати
