Президент Ш.Мирзиёев томонидан 2021 йил “Ёшларни қўллаб-қувватлаш ва аҳоли саломатлигини мустаҳкамлаш йили” деб эълон қилинганлиги юртимиз ёшлари учун жуда қувончли хабар бўлди. Ҳусусан, ёшлар иқтидорини юзага чиқариш мақсадида юртимизда кўплаб олимпиядалар, кўрик-танловлар, спорт мусобақалари ўтказиб бориш анъанага айланиб улгурган. 

Ўзбекистон Республикаси Ички ишлар вазирлиги томонидан
2021 йилнинг 23-24 март кунлари вазирлик академик лицейлари ўқувчиларини ички ишлар органларига касбий йўналтириш, уларнинг чуқурлаштирилган ва касбга йўналтирилган фанлар бўйича билимларини мустаҳкамлаш, интеллектуал салоҳияти ва  профессионал билим даражасини юксалтириш мақсадида ўтказилган “Ҳуқуқшунослик”  фан олимпиядаси ҳам вазирлик академик лицейларида таҳсил олаётган ёшларимиз учун ўзига хос марду-майдон вазифасини ўтади.

Республика “Ҳуқуқшунослик” фан олимпиядасида фахрли 1-ўринни эгаллаган  ИИВ Сирдарё академик лицейи ўқувчиси Тошмурод Абдурахмонов ва унинг устози ҳуқуқшунослик фани ўқитувчиси ҳамда ота-онасини Сирдарё вилояти ИИБ бошлиғининг қимматбаҳо эсталик совғалари билан тақдирланди. Шунингдек, тадбирда ёш бўлсада китоблари нашр қилинган, спорт мусобақаларида республика ва жаҳон чемпионлигини қўлга киритган бир гуруҳ ёшларга Сирдарё вилояти ИИБ бошлиғи номидан бадиий бестселлер, китоблар тўплами эсдалик совғаси сифатида тақдим қилинди. 

Тадбирнинг иккинчи қисми ўқувчиларни ҳарбий-ватанпарварлик руҳида тарбиялаш йўналишида лицей стадионида очиқ майдонда ташкил қилинди. Сирдарё вилояти ИИБ Тезкор вазифаларни бажарувчи сафарбарлик отряди ҳамда академик лицей ўқувчиларидан ташкил топган “Ватанпарвар” жамоасининг кўргазмали чиқишлари тадбир иштирокчиларида ўзига хос Ватан ҳимоясига шайлик, жанговарлик, юксак ватанпарварлик туйғуларини жунбушга келтирди.

 ИИВ Сирдарё Академик лицейи