8 Май 2024 йил 3806

ДИҚҚАТ, ЭЪЛОН! Оммавий тадбирларни ўтказишда фуқаролар хавфсизлигини таъминлаш ва жамоат тартибини сақлаш 2024 йилнинг 13 май кунидан бошлаб, пуллик хизмат кўрсатиш асосида амалга оширилади

Оммавий-маданий, спорт ва бошқа тадбирларни ўтказишда фуқаролар хавфсизлигини таъминлаш ва жамоат тартибини сақлаш тадбирлари Ўзбекистон Республикаси Вазирлар Маҳкамасининг 2024 йил 13 февраль кунидаги 89/19-сонли  Қарорига асосан жорий йилнинг 13 май кунидан бошлаб пуллик хизмат кўрсатиш асосида амалга оширилади

Жорий йилнинг 13 февраль куни Ўзбекистон Республикаси Вазирлар Маҳкамасининг 89/19-сон қарори асосида Вазирлар Маҳкамасининг 2014 йил 29 июлдаги 205-сон қарори билан тасдиқланган “Оммавий тадбирларни ўтказиш қоидалари”га ўзгартириш киритилди.

Ушбу ўзгартиришга кўра, 2024 йил 13 май кунидан бошлаб Оммавий тадбирларни ўтказишда фуқаролар хавфсизлигини таъминлаш ва жамоат тартибини сақлашга доир чора-тадбирлар, тадбирнинг тоифасидан келиб чиққан ҳолда, Миллий гвардиянинг ҳудудий бўлинмалари ёки ҳудудий Ички ишлар органлари томонидан оммавий тадбир ташкилотчиси билан тузилган шартномага мувофиқ пуллик асосда амалга оширилади. (алоҳида тоифадаги оммавий тадбирлар ҳамда давлат органлари ва ташкилотлари тизимидаги маданият ва истироҳат боғлари, спорт иншоотлари, сайилгоҳлар ва бошқа очиқ ҳудудларда кўчма цирклар (шапито, дорбозлар гуруҳлари) бундан мустасно).

Оммавий тадбирни ўтказишда фуқаролар хавфсизлигини таъминлаш ва жамоат тартибини сақлаш тўғрисида шартнома оммавий тадбир ташкилотчиси рухсатнома олгандан кейин оммавий тадбир бошланишидан ўн иш куни олдин тадбирнинг тоифасидан келиб чиққан ҳолда тузилади.

Шуни инобатга олиб, оммавий тадбир ташкилотчиларидан ушбу қоидаларга қатъий риоя қилишларини ва ўз вақтида Оммавий тадбирларни ўтказишни назорат қилиш комиссиясига мурожаат қилишларини сўраймиз!

Сирдарё вилояти ИИБ ЖХХ ЖСТБ

Ахборот хизмати

Text to speech