O‘zbekiston Respublikasi Prezidentining 2018 yil 26 dekabrdagiPQ–4079–sonli Qarori ijrosi yuzasidan xorijga chiqish biometrik pasporti rasmiylashtirish uchun O‘zbekiston Respublikasi IIV MvaFRBB tomonidan Sirdaryo viloyati IIB MvaFR xizmatlari uchun berilgan 14 komplekt kompyuter texnikalari to‘liq joylardagi migratsiya va fuqarolikni rasmiylashtirish bo‘linmalariga o‘rnatilgan.

Joriy yilning 1 yanvar kunidan hozirgi kunga qadar Sirdaryo viloyati IIB  MvaFRB va shahar tuman IIB MvaFRBlar tomonidan, Sirdaryo viloyatida doimiy yashovchi jami 38.952 nafar O‘zbekiston Respublikasi fuqarolariga xorijga chiqish biometrik pasportlari rasmiylashtirilib berilishi bo‘yicha elektron talabnomalar shakllantirildi.

Shundan tayyor bo‘lib kelgan 36.735 nafar O‘zbekiston Respublikasi fuqarosining xorijga chiqish pasportlari o‘z egalariga tarqatilgan.

Joriy yilning 7 oyi davomida Sirdaryo viloyati hududida 14 ta xorijga chiqish biometrik pasporti rasmiylashtirish maxsus texnika vositalari yordamida fuqarolarimizga xizmat ko‘rsatib kelinmoqda.

Oltmish yoshdan oshgan keksalar, nogironlar hamda voyaga yetmagan farzandi bilan kelgan fuqarolarimiz IIB MvaFRB rahbariyatining ko‘rsatmasiga asosan MvaFR boshqarmasida hamda shahar MvaFR bo‘limida navbatsiz qabul qilinmoqda. O‘zbekiston Respublikasi Prezidenti va Vazirlar Mahkamasining tegishli qaror va farmoyishlariga asosan, vazirlik va idoralarning talabnomalari asosida xorijga xizmat safariga yuborilayotgan xizmatchilari, xalqaro sport musobaqalari ishtirokchilari bo‘lgan shaxslar tomonidan ushbu holatlarni tasdiqlovchi hujjatlarni MvaFR xizmatlariga taqdim etgan hollarda xorijga chiqish biometrik pasportini 5 ish kuni ichida rasmiylashtirish ishlari amalga oshirildi. Bu borada amalga oshirilgan ishlar natijasida viloyat bo‘yicha jami 38.952 nafar, shundan 37.894 nafari 16 yoshdan yuqori va 3.569 nafari 16 yoshdan kichik bo‘lgan fuqarolarga O‘zbekiston Respublikasi fuqarosining biometrik pasportlari rasmiylashtirib berildi.

Sirdaryo viloyati IIB MvaFRB