Prezidentimiz tashabbusi bilan mahallaning jamiyatdagi nufuzi va rolini oshirish, mahallani joylardagi muammolarni hal etadigan chinakam tizimga aylantirish, xususan, mahallabay ishlash tizimini kuchaytirish, mahalla fuqarolar yigʻinlari masʼullarining ish samaradorligi hamda masʼuliyatini oshirishga qaratilgan keng koʻlamli ishlar olib borilmoqda.

Shu maqsadda Sirdaryo viloyati hokimi raisligida mahallalarda belgilangan yoʻnalishlardagi ishlarni tizimli tashkil etish, “Mahalla yettiligi” tomonidan olib borilayotgan ishlar, ularning oʻzaro hamkorligi masalalari boʻyicha videoselektor tarzida yigʻilish boʻlib oʻtdi.

Mazkur yigʻilishda mahallada huquqbuzarlik va jinoyatning oldini olish borasidagi koʻrilgan xavfsizlik chora-tadbirlari va mahalla yettiliklarining amalga oshirilgan ishlari atroflicha tahlil qilinib, amalga oshirilish lozim boʻlgan ishlar yuzasidan aniq vazifalar belgilab berildi.

Shuningdek, aholi bandligini taʼminlash borasida tadbirkorlik faoliyatini kengaytirish orqali ish oʻrinlari yaratish lozimligi borasida bir qator koʻrsatma va topshiriqlar berildi.

Bundan tashqari, oʻtgan yil davomida mahallalarda amalga oshirilgan ishlar tahlil qilinib, xotin-qizlarni qiynayotgan muammolar, ularni bartaraf etish masalalari xususida atroflicha soʻz yuritildi. Yoʻl qoʻyilgan xato va kamchiliklar muhokama qilindi.

Yigʻilish yakunida belgilangan ishlar samaradorligini oshirish, mavjud imkoniyatlardan toʻlaqonli foydalanish, kelgusidagi muhim vazifalar yuzasidan taklif va tavsiyalar, mutasaddilarga tegishli topshiriqlar berildi.

Sirdaryo viloyati IIB Axborot xizmati