Sirdaryo viloyati Ichki ishlar organlarida xizmat olib borayotgan xotin-qizlar bilan navbatdagi yig‘ilish o‘tkazildi
Sirdaryo viloyati Ichki ishlar organlarida xizmat olib borayotgan xotin-qizlar bilan navbatdagi yig‘ilish o‘tkazildi. Yig‘ilish kun tartibida 3 ta masala ko‘rib chiqildi. Dastlab xotin-qizlar o‘rtasida qonunchilik, xizmat va ijrochilik intizomiga rioya qilish ahvoli, aniqlangan xato va kamchiliklar muhokama qilinib, kelgusida bu borada amalga oshirilishi lozim bo‘lgan ishlar belgilab olindi. Shuningdek, Sirdaryo viloyati Ichki ishlar organlariga xizmatga qabul qilingan xotin-qizlar jamoaga tanishtirib o‘tildi. Shundan so‘ng “Ayol – millat tayanchi”, “Jasorat va buyuklik timsoli - ayol” nomli kitoblarning taqdimoti o‘tkazilib, ushbu kitoblar haqida maʼlumotlar berib o‘tildi. Yig‘ilish so‘ngida Sirdaryo viloyati IIB MMI va KBTX psixologi tomonidan xotin-qizlar bilan bir nechta psixologik-treninglar o‘tkazildi.
