IIV Sirdaryo akademik litseyida “Konstitutsiyaviy huquq” fan oyligi doirasida “Zakovat” intellektual o‘yini bo'lib o'tdi.
Joriy yilning 16-dekabr kuni “Konstitutsiyaviy huquq” fani oyligi doirasida IIV Sirdaryo akademik litseyi birinchi va ikkinchi bosqich o’quvchilar o’rtasida “Zakovat” intellektual o’yini bo’lib o’tdi. O‘quvchilar o‘rtasida milliy qomusimizning qabul qilinishi, tarixi va ahamiyati, konstitutsiya bilan bog‘liq tushunchalar berish, o‘quvchilar ongida milliy o‘zligimizga xos bo‘lgan davlat qomusiga nisbatan faxr-u iftixor hissini shakillantirishga qaratilgan “Zakovat” intellektual o‘yinida “Ko’hinur”, “Adolat”, “Akademik”, “Qalqon”, “Turon” hamda “Renesans” jamoalari o‘zaro kuch sinashdilar. Tadbirni Sirdaryo viloyati “Zakovat” klubi a’zosi Naimov Sardor olib bordi. Qizg‘in va murosasiz o‘tgan bahslarda 1-o‘rinni 101-guruh o‘quvchilarining "Adolat", 2-o‘rinni 202-guruh o‘quvchilarining "Akademik", 3-o‘rinni 206-guruh o‘quvchilarining "Qalqon" jamoalari egalladi.
Shu kabi bellashuvlarning o‘tkazilishi kelgusida litsey o‘quvchilarining kasbiy bilim va ko‘nikmalarini mukammal egallash barobarida, Konstitutsiya va qonunlarni amaliyotda samarali qo‘llashda muhim ahamiyatga ega bo‘ladi.
