Davlatimiz rahbarining “Ichki ishlar organlari uchun professional kadrlarni tayyorlashning sifat jihatidan yangi tizimini joriy etish bo‘yicha chora-tadbirlar to‘g‘risida”gi tegishli qarori hamda Ichki ishlar vazirligi Malaka oshirish institutining kasbiy tayyorgarlik fakultetiga o‘qishga qabul qilish uchun nomzodlar tanlovini tashkil etish to‘g‘risidagi buyrug‘iga muvofiq munosib nomzodlarni tanlash, ularning shaxsiy hujjatlar yig‘ma jildlarini belgilangan talablar asosida rasmiylashtirish ishlarini samarali tashkil etish choralari ko‘rilmoqda.

- Ichki ishlar vazirligi Malaka oshirish institutining kasbiy tayyorgarlik fakultetiga o‘qishga kirish uchun oliy maʼlumotli yoshi 18 dan kichik hamda 30 dan katta bo‘lmagan nomzodlardan ariza (bildirgi)lar qabul qilish 2022 yilning 5 noyabridan 5 dekabr kuniga qadar;

- nomzodlarning umumjismoniy tayyorgarligini baholash joriy yilning 20 dekabr kuniga qadar;

- nomzodlarni tibbiy ko‘rikdan o‘tkazish 2023 yilning 20 yanvar kuniga qadar amalga oshirilishi belgilangan.

Ichki ishlar vazirligi Malaka oshirish institutining kasbiy tayyorgarlik fakultetiga o‘qishga qabul qilish reja taqsimotiga ko‘ra, Sirdaryo viloyati Ichki ishlar boshqarmasiga jami 6 ta quyidagi mutaxassisliklar:

- YPX-Yo‘l-patrul xizmati faoliyatida 2 ta;

- PTT-Pasport tizimini taʼminlashda 2 ta;

- JTSF-Jamoat tartibini saqlashda 2 ta kvota ajratilgan.

Nomzodlardan (pasport, harbiy guvohnoma yoki harbiy xizmatga chaqiruv guvohnomasi, maʼlumoti haqidagi hujjat)lar talab etiladi.

Mazkur ishchi guruh tarkibi viloyat IIB maʼnaviy- maʼrifiy ishlar va kadrlar bilan taʼminlash xizmati boshlig‘i raisligida, kasbiy tayyorgarlik, shaxsiy xavfsizlik va yuridik taʼminlash bo‘limi boshlig‘i, harbiy-tibbiy komissiya raisi, psixolog xodimlardan tashkil etiladi.