Avval xabar berib oʻtganimizdek, ayni paytda viloyat Ichki ishlar organlarida joriy yilning 1-avgust kunidan 1-sentyabr kuniga qadar “Vatanga va xalqqa sadoqat bilan xizmat qilish-oliy burchimiz” shiori ostida “Vatanparvarlik oyligini” oʻtkazilmoqda.

Ushbu oylik doirasida tasdiqlangan rejaga asosan, 2022-yilning 5-avgust kuni Sirdaryo futbol mahorat maktabining sunʼiy qoplamali oʻyingohida Yangiyer shahar IIB xodimlari hamda Yangiyer shahrida joylashgan Sirdaryo futbol mahorat maktabi tarbiyalanuvchilari oʻrtasida sportning “Mini futbol” turi boʻyicha musobaqa oʻtkazildi. Musobaqada Yangiyer shahar IIB xodimlaridan iborat 3 ta va Sirdaryo futbol mahorat maktabi tarbiyalanuvchilaridan iborat boʻlgan 3ta jamoa, jami 6 nafar jamoalar tarkibi tuzilib, gʻoliblik uchun oʻzaro bahs olib borishdi. Oʻtkazilgan musobaqa yuqori saviyada tashkil etilib, keskin va murosasiz tarzda oʻtdi. Musobaqaning yakuniy natijalariga koʻra gʻoliblik Sirdaryo futbol mahorat maktabining 8-sinf oʻquvchilariga nasib etdi.  Shuni ham alohida taʼkidlash joizki, bu kabi musobaqalar sportchi yoshlar oʻrtasida “Vatanparvarlik” tuygʻusini uygʻotish va ularning Ichki ishlar organlariga boʻlgan qiziqishi va hurmatini oshirishga xizmat qiladi. Kelgusida ham shu kabi musobaqalarni muntazam ravishda oʻtkazish boʻyicha Yangiyer shahar IIB rahbariyati hamda Yangiyer futbol maktabi masʼul xodimlari oʻrtasida kelishuvga erishildi.

Musobaqa soʻngida gʻolib boʻlgan va sovrinli oʻrinlarni qoʻlga kiritgan jamoalar Yangiyer shahar IIB rahbariyatining medal va qimmatbaho esdalik sovgʻalari bilan taqdirlandilar.