Sirdaryo viloyati IIB Jinoyat qidiruv boshqarmasi Korrupsiya va iqtisodiy jinoyatlarga qarshi kurashish boʻlimi tezkor xodimlari tomonidan olingan tezkor maʼlumotlarga koʻra (ismi sharifi shartli oʻzgartirilgan) fuqaro Shokirjon Haydarov bir necha yillardan buyon oila aʼzolari bilan birgalikda mavsumiy dehqonchilik ishlari bilan shugʻullanib, joriy yil ham dehqonchilik qilish maqsadida ekin yer maydoni izlab yurgan vaqti Mirzaobod tumani, yashovchi “Nodirjon” ismli shaxs bilan tanishib qolib, u bilan oʻzaro suhbatlari chogʻida, unga doimiy foydalanish uchun ekin yer maydonlari olishga yordam qilishini, bu masalada Mirzaobod tumani hokimligida ishlovchi xodimlar bilan yaqin aloqada boʻlganligi bois masʼullar orqali uning nomiga 12,0 gektar ekin yer maydonini rasmiylashtirib berish evaziga 3.000 AQSH dollari miqdordagi pullarni talab qilayotganligi yuzasidan viloyat IIB Jinoyat qidiruv boshqarmasi Korrupsiya va iqtisodiy jinoyatlarga qarshi kurashish boʻlimi, Sirdaryo viloyati prokuraturasi Yer resurslarini talon taroj qilinishini oldini olish boʻlimi masʼul xodimlari bilan hamkorlikda Guliston shahar hududida oʻtkazilgan “Nazorat ostida olish” tezkor qidiruv tadbir natijasida, fuqaro Shokirjon Haydarovdan qoʻshtirnoq ichidagi qaxromonimiz Nodirjon Mirzaobod tumani hududidan tuman hokimiyatida ishlovchi tanishlari orqali doimiy ravishda dehqonchilik qilib foydalanish uchun ekin yer maydonini uning nomiga qaror chiqartirib berishni vaʼda qilib 3.000 AQSH dollari miqdoridagi kimyoviy ishlov berilgan pullarni Guliston shahar hududidagi avtoturargohda olgan vaqti naqd pul bilan ushlanib, tegishli hujjatlar rasmiylashtirilib daliliy ashyolar olindi.

Hozirda mazkur holat yuzasidan tergovga qadar tekshiruv harakatlari davom ettirilmoqda.

Sirdaryo viloyati IIB Axborot xizmati