Sportning “Sambo” turi bo‘yicha Sirdaryo viloyati IIB terma jamoasi umumjamoa hisobida tengsiz deb topildi.
“Dinamo” jismoniy tarbiya-sport jamiyati Sirdaryo viloyati kengashining 2021 yil uchun mo‘ljallangan ommaviy sport tadbirlarini o‘tkazish taqvim-rejasiga asosan, joriy yilning 27 dekabr kuni viloyat huquqni muhofaza qiluvchi organlari terma jamoalari o‘rtasida sportning “Sambo” turi bo‘yicha musobaqa o‘tkazildi.
Musobaqada jami 10 ta terma jamoalar 64 kg, 71 kg, 79 kg, 88 kg, 98 kg hamda 98 kgdan ortiq vazn toifalari bo‘yicha g‘oliblik uchun bahs olib borishdi.
Musobaqaning yakuniy natijalariga ko‘ra umumjamoa hisobida faxrli 1-o‘rin Sirdaryo viloyati IIB terma jamoasiga, 2-o‘rin Sirdaryo viloyati bo‘yicha Milliy gvardiya boshqarmasiga va 3-o‘rin Chegara qo‘shinlariga qarashli 9252- harbiy qism terma jamoasiga nasib etdi.
Musobaqa so‘ngida g‘olib va sovrinli o‘rinlarni qo‘lga kiritgan ishtirokchilar “Dinamo” JTSJ Sirdaryo viloyati kengashining diplom, medal hamda qimmatbaho esdalik sovg‘alari bilan taqdirlandilar.
