Elektroshok moslamalarini qo‘llash bo‘yicha xodimlarning ko‘nikmalari oshirildi
IIV o‘rinbosarining farmoyishi asosida Sirdaryo viloyati IIB JXX Probatsiya bo‘limi hamda uning barcha hududiy bo‘linmalari xodimlari sayyor o‘quv kursi tashkil qilinib, o‘quv kursi davomida nazariy va amaliy mashg‘ulotlarda xodimlarning fuqarolar bilan muomala madaniyatidan tortib, ish jarayonida yuzaga kelishi mumkin bo‘lgan, turli inson hayoti uchun xavfli bo‘lgan holatlarning oldini olish, maxsus vositalarni ishlatish, ayniqsa elektroshokerlardan foydalanish tartiblari to‘liq tushuntirildi. Shuningdek, maxsus vositalarni qo‘llagandan so‘ng jarohatlangan shaxslarga birinchi tibbiy yordam ko‘rsatish, rezina tayoq, masofadan turib boshqariluvchi elektroshok qurilmalarning taktik va texnik xususiyatlari yuzasidan yuzasidan mashg‘ulotlar o‘tkazildi va o‘quv kursi yakunida tinglovchilardan yakuniy sinov olinib sinovlardan muvaffaqiyatli o‘tgan xodimlarga sertifikatlar topshirildi.
Sirdaryo viloyati IIB JXX Probatsiya bo‘limi.
