Faxriylar – faxrimiz!
Sirdaryo viloyati IIB Migratsiya va fuqarolikni rasmiylashtirish boshqarmasi hamda uning shahar va tumanlardagi boʻlinmalari tomonidan faxriylarga hurmat eʼtibor bilan qarash hamda ularning hayotiy boy tajribalaridan yoshlarni tarbiyasida foydalanish borasida bir qator tizimli chora-tadbirlar amalga oshirilib kelinmoqda.
Jumladan, Sirdaryo viloyati IIB Migratsiya va fuqarolikni rasmiylashtirish boshqarmasi hamda uning joylardagi boʻlinmalari xodimlari 1 oktyabr “Oʻqituvchilar va murabbiylar” kuni munosabati bilan Sirdaryo viloyati Ichki ishlar organlari Migratsiya va fuqarolikni rasmiylashtirish xizmatlarida uzoq yillar samarali xizmat qilib, bugungi kunda ham oʻzlarining boy hayotiy tajribalarini yosh xodimlarga oʻrgatib kelayotgan faxriylar bilan dildan suhbat oʻtkazish maqsadida ularning xonadonlariga tashrif buyurdilar.
Tashrif chogʻida Sirdaryo viloyati IIB Migratsiya va fuqarolikni rasmiylashtirish xizmati xodimlari tizimda faoliyat yuritgan sobiq faxriy xodimlar holidan xabar oldilar hamda ularga oʻzlarining samimiy tilaklarini izhor qildilar. Xodimlar tomonidan ehtirom sifatida olib kelingan esdalik sovgʻalari taqdim etildi. Shu kuni shogirdlar qadrli ustozlari davrasida suhbat qurib, samimiy dil izhorlarini bildirishdi.
Sirdaryo viloyat IIB MvaFRB
